فكرة مخرج للطوارئ في المرتفعات بالصور
15
4
إضغط هنا للإخفاء
السلام عليكم ورحمة الله وبركاته
موضوع بسيط حبيت أنقله لكم وهو عباره عن فكره ( مخرج طوارئ ) مادري ليه مايسوونه فالهدا والمرتفعات الخطيره عندنا
المهم إحدى الجبال الخطيره كنت ناوي أطلعها بسيارتي وقبل ماأوصل نقطة الدخول لقيت سيارات سيدان موقفه على جنب وقلت شكلي بلحقهم
وصلت نقطة الدخول وجى العسكري إعتذر مني بكل إحترام ( ممنوع دخول السيارات الغير فور ويل ) يعني اللي مافيها دبل
حاولت منا ومنا ومافيه أي فايده
حتى الونيتات لازم تكون فيها دبل عشان تطلع وحتى سكان أهل المنطقه معاهم جيوب او ونيت فيه دبلات
هنا إزداد حماسي وشوقي لصعود الجبل ورجعت للشقه وكلمت خويي قلت أبي سيارتك ( فورشنر 4 سلندر ) وتعال خذ سيارتي لاني مصر على طلوع الجبل
أخذت الفورشنر ورجعت لهم مره ثانيه وقبل ما أطلع قلي فالنزول لازم تشغل الدبل قلت خير وخويي شغال تصوير
المهم فالطلوع الله لايوريكم الفورشنر بداء يحن واحس المكينه بتنفجر قلت خلني أشغل الدبل وللاسف ثقييييييل مره مدري لو انا محمل أتوقع ماراح يمشي
المهم الجبل من البدايه حتى تصل للقمه كله طلووع ومافيه طريق مستقيم الا مسافات قصيره تكاد لاتذكر والطريق سيد واحد وأوقات يضيق مره والسرعه القصوى المحدده هي 35 كيلو متر !!!
بعد الاستمتاع والمغامره جينا فالنزول ورغم الدبلات والدي الثقيل الا إني بداءت أشم ريحت الفرامل على خفيف
لكن ماعجبني فالجبل هو مخرج للطوارئ
يعني مسوين مخرج بدايته خطوط صفراء طريق منفرد لحاله وبعده منطقه محفوره وفيها خرسانه لمسافه طويله وبعد الخرسانه فيه براميل صفراء كبيره وفيها مويه
الهدف من الفكره هذي لو شفت السياره مامسكت معك وراحت عليك على طول وجهه السياره لمخرج الطوارئ وعدل الطاره اول ماتدخل فالخرسانه وهي عميقه راح تمسك السياره وتثقل من حركتها بشكل كبير لان لو جيت نزلة فالخرسانه بسيارته من باب التجربه راح تغرز
بعدها تجيك البراميل تصدم فيها لو مسكتك الخرسانه بعد خففت السرعه عنك بشكل كبير يجي دور البراميل توقف السياره ونشوف في الصوره قبل الاخيره براميل مصدومه وهذي طبعا سياره دخل هالمكان لحاله طارئه
وسلامتكم
إبلاغ
الردود
اوريكم خلاص زعلت هههههه
دعابه دعابه
يارجال طقطقوا إلين تشبعون بس جيبوا معكم كرتون كتكات وببسي حجم عايلي ههههه وابد خذوا راحتكم هعهع
لك احلى لايك ياشاقح
ترى من زمان اترقب موضوعك
يعطيك العافيه
2
1
مهب مثلنا
نوبه كنت بابها مع الاهل ونتمشي وقلنا بنروح منطقه جبليه ونجلس فيها
وماشالله مزفلته ومدخلها واسع وسيارات طالعه نازله
ابد بدينا بالطلوع وكان معا بليزر مخيس دبل
بدينا بالطلوع وبدأ الشارع يصغر ويصغر فجاه سيد واحد فجاه ردميه دبل بدون دبل الموتر
طيب ياحيونات لوحات تحذير لوحات تنبيه لوحات مكتوب فيها ياحيوان خطر لا تطلع مافيه
قام يزلق ومعي حريم ومبزره وخذلك صياح وتشهدات ودعاء ودموع اربع اربع يربشونك ويهبلونك ويزيدون توترك بغيت اصيح معهم خخخ
بغيت ادحدر انا واهلى من فوق الجبل ونروح ملح ونغدي علبه تونه الله لا يعيد ذاك اليوم ستر الله علينا
حسبي الله ع من تولى ذاك المشروع المسمى بالسياحي
الشي الغريب بالصور اللي حاطها انت
الصبات جديده لا لا جديده جديه كانها مركبه اليوم!!
وين وين البخاخات والرسومات ولعيون فلان وذكريات فلان ههههههههه شعب مطهبل عندنا
جنبنا مدرسه بنات (؛ بالربوه على شارع دوران سابق مافيه جهه الا ومكتوب فيها اهداء بالبخاخ
حتى واحد حقير كل سنه يصبغون الجدار ويجي يبارك لهم بالبخاخ ويكتب مبروك البويه الجديده (حقير ياناس ههههه)
4
0
0
3
ياخي عندنا شوارع في بعض الاحياء حتى الاسفلت ما وصلهم وحتى المشاريع فاشلة والامانات بدون امانات تلقى لوحة في المشروع التسليم 1431هـ والى الآن ما سلم المشروع ومشي حالك بس لا تقهرنا
وتحياتي للجميع وتم التقييم
0
0
إضغط للإخفاء) اكرر اعتذاري
2
0
ي شاقح الجبل باي ديره ؟
1
0
1
0
0
0
إن شاء الله أروح أتمشى في عمان شهر العسل أنا وحبيبة قلبي هههههه ماخطبت باقي ولا اعرف احد بس اتخيل
ومعاي جيب لكزس أبيض بريمي
اففففف شيء خياااال
ونجلس أنا وزوجتي ونشب النار ونتقهوى ونسولف وننكت
لكن
مافيه أمل :(
يارب ارزقني يارزاق جيب لكزس وزوجه حلوه صالحه
قبل 10 سنه و 8 شهر